2014 йили Мадриднинг "Реал" жамоаси Гарет Бэйлни, Каталониянинг "Барселона" клуби эса Неймарни фантастик нархларга сотиб олишган эди. Ўшанда кўпчилик бу икки футболчи Роналду ва Мессини ўрнини эгаллашини кутган эди. Бироқ ундай бўлмади. Хўш мазкур қарама-қаршилик 4 йил давомида қандай натижаларга эришди? Қуйида бу ҳақда тўхталиб ўтамиз.
Ўйинлар ва голлар
Бэйл: 153 ўйин - 68 гол
Неймар: 186 ўйин - 105 гол
Бэйл "Реал"га келганидан буён шу қадар кўп жароҳат олдики, буни у ҳаёлига ҳам келтирмаган бўлса керак. Уэлслик футболчи жамоага келганидан буён 153 та учрашувда майдонга тушиб, ўз ҳисобига 68 та гол ёздириб қўйишга муваффақ бўлди. Неймар эса 186 ўйинда иштирок этиб, 105 марта рақиблар посбонларини ранжитган. Бундан кўриниб турибдики бразилиялик ҳужумчи уэлслик ҳамкасбидан бу борада анча яхши натижани қайд этган.
Жамоавий совринлар
Бэйл: 10 та
Неймар: 8 та
Бэйл 2014 йилдан буён "Реал" билан уч мартадан Чемпионлар лигаси ва УЕФА суперкубогида зафар қучиб, икки бора клублар ўртаисдаги жаҳон чемпионатида ғолиб чиқди. Шунингдек бу йил у ана шу совринлари қаторига Испания чемпионлиги ва суперкубогини қўшиб қўйди. Уэлслик футболчи 4 та мавсумда 10 та соврин қўлга киритди. Неймар эса 2 марта Испания чемпиони, 3 бора Испания кубоги ғолиби бўлиб, бир мартадан Испания суперкубоги, Чемпионлар лигаси ва клублар ўртасидаги мундиалда ғолиблик нашидасини сурди. Демак, жамоавий совринлар бобида устунлик Бэйл томонида.
Шахсий совринлар
Бэйл: 3
Неймар: 3
Бэйл 3 марта Уелснинг энг яхши футболчиси сифатида эътироф этилишида, "Реал"да кўрсатган ўйинлари сабаб бўлгани ҳеч кимга сир эмас. Шуниндек у Европанинг энг яхши футболчилари учлигига киришга ҳам эришди. Неймар икки марта Европадаги энг яхши бразилиялик футболчи номига сазовор бўлган бўлса, 2015 йили Месси ва Роналду билан бир қаторда Чемпионлар лигасининг энг сермаҳсул футболчисига айланди. Шахсий совринлар бобида тенглик!
