Тошкентнинг "Локомотив" клуби ярим ҳимоячиси Темур Кападзе ЖЧ саралаши доирасида Хитой ва Ўзбекистон терма жамоалари ўртасида кечадиган ўйин ҳақида фикр билдирди.
"Хитойга қарши кечадиган ўйинда кўпроқ етакчи футболчилар ўзини кўрсатиши лозим. Одил Аҳмедов, Анзур Исмоилов ва Егор Кримец Хитой чемпионатида ўйнамоқда ва улар рақибни анча яхши билишади. Бу нарса бизга асқотиши лозим.
Хитой чемпионати кучайгани билан ҳали терма жамоасига таъсир ўтказиши қийин. Хитой терма жамоаси кучайиб кетган, деган фикрларга қўшилмайман. Бу ўйинда Ўзбекистон терма жамоаси ғалаба қозонишига ишонаман", - дейди Темур Кападзе.
