Мадриднинг “Реал” клуби ва Португалия терма жамоаси ҳужумчиси Криштиану Роналду нафақат ажойиб голлари, балки инсонийлик хислатлари билан ҳам мухлислар қалбидан жой олмоқда.
Футболдан олаётган даромадининг бир қисмини бемор болалар учун сарфлаётган Роналду куни кеча яна бир 9 ёшли хастанинг жонига оро кирди.
У бир неча йилдан буён юрак саратони хасталигидан азият чекаётган польшалик Оливер Плусиенникнинг бир умрлик ҳомийсига айланди.
Маълум бўлишича, Криштиану болакайнинг даволанишига кетадиган сарф-харажатларни бутун умр тўлашини ваъда берган.
Эслатиб ўтамиз, Роналду Конфедерациялар кубоги-2017 мусобақасидан ўрин олган Россияга қарши учрашувда (1:0) майдонга 10 ёшли имконияти чекланган қизалоқ Полина Хайридиновани олиб чиқиб, унга Португалия термаси рамзи туширилган спорт кийимини ҳадя этганди.
