Ҳар бир мураббийнинг ҳам ўз фалсафаси бор. Улар ўйин олди ёки ўйиндан кейинги матбуот анжуманлари-ю, турли ҳил интервюларда бир қанча қизиқарли иқтибосларни келтириб ўтишган.
БИЛЛ ШEНКЛИ (АНГЛИЯ)
- «Ливерпул»да 2 та суперклуб бор – «Ливерпул» ва «Ливерпул»нинг иккинчи таркиби. Агарда қиладиган ишим бўлмаса ва зерикиб қолсам, турнир жадвалини оламан-да, «Эвертон»нинг қай даражада пастга шўнғиб кетганини кўриб, мазза қилиб ўтираман. Агарда «Eвартон» жамоасининг уйимнинг тагида футбол ўйнайдиган бўлса, деразаларни ёпиб, пардаларни тортиб қўяман ( «Ливерпул»ни 15 йил бошқарган мураббий. «Ливерпул» ҳақида).
- Баъзиларнинг фикрича, футбол - бу ҳаёт ва момот масаласи. Бундай муносабат ҳафсалани пир қилади. Сизларни ишонтириб айтаманки, футбол булардан ҳам муҳимдир.
- Биз уларни 0:0 ҳисобида янчиб ташладик
- Агар мағлубият ёки дуррангдан сўнг бизни қувватлашни истамасанг, ғалабадан сўнг ҳам бу ишни қилмай қўяқол.
БРАЯН КЛАФФ (АНГЛИЯ)
- Бундай мутахассисга тўп солинган қопни беришдан олдин 2 марта яхшилаб ўйлаб олган бўлардим. Федерациямиз раҳбарлари эса бутун бошли терма жамоани топшириб ўтирибдилар («Ноттингем Форест» афсонаси бир вақтлар Англия термаси бош мураббийлигига Дон Ривнинг тайинланиши ҳақида).
- Бекхем тўпга нисбатан хотинига бўлгандай муомала қилади - меҳр ва муҳаббат билан (Девид Бекхэм ҳақида).
