«ПСЖ» хўжайини Носир Ал-Хилайфий УЕФА ташкилотининг клуб устидан текширув бошлагани ҳақидаги хабарга изоҳ берди.
«Яширадиган нарсамиз йўқ. Оёғимизда мустаҳкам туриб олганмиз. УЕФА хоҳлаган ишини қилиши мумкин, биз ҳамма ҳаракатларни шаффоф тарзда амалга оширдик - ҳеч нарсани яширмадик.
ФИФА ва УЕФА қоидаларини ҳурмат қиламиз. Агар бошқалар бизнинг молиявий фэйр-плейимиздан норози бўлса, бу уларнинг муаммоси. Мен олдимизга қўйилган мақсадларга эришмоқчиман», – деди Ал-Хилайфий.