Олий лигадан ўрин олган "Насаф" - "Олмалиқ" (1:0) ўйинидан сўнг, мезбонлар устози Рўзиқул Бердиев ўз фикрларини айтди.
"Бугун биз ғалаба қозониш учун майдонга тушган эдик. Кейинги мағлубиятлардан сўнг бугун асосий вазифамиз ижобий натижани қўлга киритиш эди. Шунинг учун бунга эришдик. Албатта бу биз учун осон бўлмади. “Олмалиқ” жамоасининг ўйинини биласизлар, улар ҳимояда жуда тартибли ўйнашади. Жамоа ўйини асосан яхши ҳимояланиб, рақибни стандарт вазиятлардан жазолаш асосида ташкил этилади. Буни биз яхши ўрганган эдик. Шундай вазиятларда йигитлар диққат билан ўйнади ва хатога йўл қўйишмади. Умуман олганда бугун бунданда яхшироқ ўйин намойиш этишимиз мумкин эди. Кейинги муваффақиятсизликлар орқали жамоамизда руҳий тушкунлик ва босим пайдо бўлганди. Ўйлайманки, бугунги ғалаба йигитларга бу руҳий ҳолатдан чиқиб кетишига ёрдам беради" - деди Бердиев.
