«Барселона» бош мураббийи Эрнесто Вальверде Ла лиганинг 3-тури доирасида бўлиб ўтган «Эспаньол»га қарши ўйин (5:0) борасида ўз фикрларини билдириб ўтди.

«Йирик ҳисобда ғалаба қозонганимизга қарамай, ўйин биз учун қийин кечди. Бундай баҳсларда ўйнаш ҳамиша қийин. Рақиб жиддий курашди, лекин сафимизда Месси каби 3та гол урган ҳамда Суарес ва бошқа футболчилар каби охиригача курашган ўйинчилар бор.

Баъзи футболчилар йўқлигида ихтиёримизда бор футболчилар билан ўйнадик. Деулофеу ҳар иккала қанотда ўйнади, Альба чап қанотдан, Месси – марказдан ҳужум қилди.

Паулиньо каби Дембеленинг дебют ўйини ҳам менга жуда ёқди. Улар аста-секин жамоа ўйинига мослашиб боришлари керак», – деди Вальверде.