«Barselona» bosh murabbiyi Ernesto Valverde La liganing 3-turi doirasida bo‘lib o‘tgan «Espanyol»ga qarshi o‘yin (5:0) borasida o‘z fikrlarini bildirib o‘tdi.
«Yirik hisobda g‘alaba qozonganimizga qaramay, o‘yin biz uchun qiyin kechdi. Bunday bahslarda o‘ynash hamisha qiyin. Raqib jiddiy kurashdi, lekin safimizda Messi kabi 3ta gol urgan hamda Suares va boshqa futbolchilar kabi oxirigacha kurashgan o‘yinchilar bor.
Ba’zi futbolchilar yo‘qligida ixtiyorimizda bor futbolchilar bilan o‘ynadik. Deulofeu har ikkala qanotda o‘ynadi, Alba chap qanotdan, Messi – markazdan hujum qildi.
Paulinyo kabi Dembelening debyut o‘yini ham menga juda yoqdi. Ular asta-sekin jamoa o‘yiniga moslashib borishlari kerak», – dedi Valverde.