"Реал" яримҳимоячиси Гарет Бэйл ўтган мавсумда жароҳатлардан азоб чекканини айтди.
"Кўпроқ дам олишим керак эди деб айтишга осон. Бироқ, уч ой жароҳатланиб ётгач, тезроқ майдонга қайтишни истайсан. Ўтган мавсумда кўп марта оғриқ қолдирувчи дорилар билан ўйнаганман.
Энди эса бу ишимнинг хато эканини тушуниб турибман. Мен яхши ўйнашим учун охиригача даволанишим керак эди. Товонимдаги оғриқ бор кучим билан ўйнашга ҳалақит берди", - деди Бэйл El Pais хабарида.
Эслатиб ўтамиз, 28 ёшли Бэйл ўтган мавсумда "Реал" таркибида 27 ўйинда майдонга тушиб, 9та гол урди.
