«Барселона» бош мураббийи Эрнесто Вальверде ЕЧЛ 1-тури доирасида бўлиб ўтган «Ювентус»га қарши бўлиб ўтган ўйин (3:0) борасида ўз фикрларини билдириб ўтди.

«Умуман олганда, яхши ўйнадик. Рақибдан тўпни олиб қўйиш ва босим уюштириш учун сабр қилдик. Биз ўтган йилги финалчига қарши ўйнадик. Ўз дарвозамиз дахлсизлигини сақлаб қолиб, 3та гол урдик. Чемпионлар лигаси — бу спринтер мусобақаси эмас, марафон масофасидан иборат.

Бундай ўйинларда майдондаги вазият қачон ва қандай тарзда ўзгариб кетиши мумкинлиги олдиндан билмайсан. Лекин Мессининг голи кўп нарсани ўзгартириб юборди. Тўп Мессига келиб тушиши билан бу яхшилик аломати эканини ҳис қиласан. Мураббий сифатида унга қарши тўқнаш келганимда менга осон бўлмаган. Энди эса унинг ўйинидан мароқланяпман. У ҳамиша воқеалар ривожи марказида», — деди Вальверде.