«Манчестер Юнайтед» бош мураббийи Жозе Моуриньо ЕЧЛ доирасида «Базель»га қарши бўлиб ўтган ўйин (3:0) борасида ўз фикрларини билдириб ўтди.

«Ҳисоб 2:0 кўринишига келгунча биз барқарор ва ишонч билан ўйнадик. Лекин кейин ҳаммаси ўзгариб кетди: жиддий ўйнамадик, нотўғри қарорлар қабул қилдик. Барчаси ачинарли якунига етиши мумкин эди.

Биз футбол эмас, Playstation, фэнтези футбол ўйнадик. Финтлар, ортиқча хатти-ҳаракатлар менга ёқмайди. Биз ғалати ўйин қилдик, рақибни эса ҳурмат қилишимиз керак.

Оддий вазиятларда ҳам тўп учун курашда ютқаза бошладик. Ўйинчилар ҳаддан ташқари бўшашиб кетгани менга ёқмади», – деди Моуриньо.