ФИФА терма жамоаларнинг янгиланган рейтингини эълон қилди.

Унга кўра, Ўзбекистон миллий терма жамоаси 511 очко билан ўтган ойга нисбатан 5 поғона пасайиб, 69-ўринга тушиб кетди.

Осиё футбол конфедерациясига (ОФК) аъзо мамлакатлар орасида ҳам Ўзбекистонда пасайиш кузатилди - терма жамоамиз 6-ўриндан 7-ўринга тушди. Хитой терма жамоаси биздан ўзиб кетишга муваффақ бўлди.

Эрон терма жамоаси Осиёда пешқадамликни сақлаб турибди, дунё миқёсида эса 25-ўринни эгаллаган.

ФИФА рейтинги (ОФК бўйича):
1 (25). Эрон – 865 очко;
2 (40). Япония – 737 очко;
3 (50). Австралия – 662 очко;
4 (51). Жанубий Корея – 659 очко;
5 (53). Саудия Арабистони – 641 очко;
6 (62). Хитой – 564 очко;
7 (69). Ўзбекистон – 511 очко;

Умумий рейтингда Германия терма жамоаси биринчи ўринга чиқиб олди. Уни Бразилия ва Португалия таъқиб қилмоқда.

ФИФА рейтинги (умумий):
1. Германия – 1606
2. Бразилия – 1590
3. Португалия - 1386
4. Аргентина – 1325
5. Бельгия - 1265