"Барселона" клуби "Ливерпуль" яримҳимоячиси Филиппе Коутиньони харид қилиш фикридан қайтган.
Marca хабарига кўра, футболчи қишда "блаугранас" таркибига ўтмайди.
Гап шундаки, Коутиньо жамоаси таркибида "Севилья"га (2:2) қарши Чемпионлар лигаси ўйинида майдонга тушди. Натижада, у жорий мавсумда "Барселона"га ўтган тақдирда ҳам, Чемпионлар лигасида тўп суриш имкониятидан маҳрум бўлди. Бу эса "Барселона"нинг режаларини ўзгартириб юборди.
Эслатиб ўтамиз, ёзда "Ливерпуль" Коутиньо бўйича "Барселона" томонидан берилган барча таклифларни рад қилган эди.
