"Barselona" klubi "Liverpul" yarimhimoyachisi Filippe Koutinyoni xarid qilish fikridan qaytgan.
Marca xabariga ko‘ra, futbolchi qishda "blaugranas" tarkibiga o‘tmaydi.
Gap shundaki, Koutinyo jamoasi tarkibida "Sevilya"ga (2:2) qarshi Chempionlar ligasi o‘yinida maydonga tushdi. Natijada, u joriy mavsumda "Barselona"ga o‘tgan taqdirda ham, Chempionlar ligasida to‘p surish imkoniyatidan mahrum bo‘ldi. Bu esa "Barselona"ning rejalarini o‘zgartirib yubordi.
Eslatib o‘tamiz, yozda "Liverpul" Koutinyo bo‘yicha "Barselona" tomonidan berilgan barcha takliflarni rad qilgan edi.
