«Арсенал» бош мураббийи Арсен Венгер «Челси»га қарши АПЛ сафар ўйинидан олдин ўз фикрларини айтди.
«Сара клубларга қарши ўйинларда ижобий натижаларни қўлга киритишимиз муҳим. Кучли тўртликдан жой олишимиз айнан шу ўйинлардаги натижаларга боғлиқ. Бу жуда муҳим синов.
Сўнгги йилларда «Челси» кучли таркибни тўплай олди, уни мағлуб этиш осон бўлмаяпти. Бироқ, ўтган йили уларни сафарда мағлуб этдик, шунингдек Кубок финали ва Суперкубокда енгдик. Бу сафар ҳам яхши натижани қўлга киритишга ҳаракат қиламиз», — деди Венгер Daily Mail хабарида.
Эслатиб ўтамиз, "Челси" - "Арсенал" ўйини 17 сентябрь куни ўтказилади.
