«Arsenal» bosh murabbiyi Arsen Venger «Chelsi»ga qarshi APL safar o‘yinidan oldin o‘z fikrlarini aytdi.

«Sara klublarga qarshi o‘yinlarda ijobiy natijalarni qo‘lga kiritishimiz muhim. Kuchli to‘rtlikdan joy olishimiz aynan shu o‘yinlardagi natijalarga bog‘liq. Bu juda muhim sinov.

So‘nggi yillarda «Chelsi» kuchli tarkibni to‘play oldi, uni mag‘lub etish oson bo‘lmayapti. Biroq, o‘tgan yili ularni safarda mag‘lub etdik, shuningdek Kubok finali va Superkubokda yengdik. Bu safar ham yaxshi natijani qo‘lga kiritishga harakat qilamiz», — dedi Venger Daily Mail xabarida.

Eslatib o‘tamiz, "Chelsi" - "Arsenal" o‘yini 17 sentyabr kuni o‘tkaziladi.