"Барселона" "Ливерпуль" аъзоси Филиппе Коутиньони харид қилиш фикридан қайтмади.
Marca томонидан берилган хабарга кўра, бразилиялик футболчи билан музокаралар қишги трансфер ойнаси вақтида давом эттирилади.
"Барселона" вакиллари "Ливерпуль"нинг "Севилья"га қарши ўйинидан кейин бу борада Коутиньо билан сухбатлашиб олган.
Хабарингиз бор, ёзги трансфер бозори вақтида Каталония ва Мерсисайд жамоалари ўртасида давом этган бир неча ойлик музокаралар самарасиз чиқди. Коутиньо "Барселона" сафига ўта олмай қолди.
Айни дамда ҳужумкор ярим ҳимоячининг трансфер нархи 120 миллион евро бўлиши кутилмоқда.
