“Лацио” клуби ҳужумчиси Чиро Иммобиле А Сериянинг 4-турида “Женоа” устидан қозонилган ғалаба ҳусусида тўхталди. У ўйинда дубль қайд этди. 4 турда эса 6 та гол урди.

"Натижа учун курашиш керак эди. "Женоа" мавсумни омадсиз бошлади, шунинг учун ҳам бугунги ўйинда уч очко учун курашиши аниқ эди.

Яна иккита гол ўтказиб юборганимиздан ҳафаман. Яқин вақтларда ҳолатни ўрганиб чиқамиз. Қилган хатоларимизни тўғирлашга ҳаракат қиламиз.

Бу фаолиятимдаги энг яхши старт бўлди. "Лацио"га келган вақтларимда фақатгина қаттиқ ишлаш кераклигини айтгандим. Голлар - меҳнатимизнинг меваси. Бу билан тўхтаб қолмаймиз", дейди - Иммобиле.