«РБ Лейпциг» яримҳимоячиси Наби Кейта Немис футбол иттифоқи томонидан жазоланди.
ESPN хабарига кўра, футболчи учта ўйинга дисквалификация қилинди.
Кейта Бундеслиганинг 4-тури доирасидаги «Боруссия» Мёнхенгладбахга (2:2) қарши ўйинда рақиби Кристоф Крамернинг юзига оёғи билан зарба берганди. Воқеа 83-дақиқада содир бўлган ва Кейта бу қўпол ҳаракати учун майдондан четлатилганди.
Энди у жамоасининг «Аугсбург», «Айнтрахт» ва «Кёльн»га қарши ўйинларида иштирок этолмайди.