«RB Leypsig» yarimhimoyachisi Nabi Keyta Nemis futbol ittifoqi tomonidan jazolandi.
ESPN xabariga ko‘ra, futbolchi uchta o‘yinga diskvalifikasiya qilindi.
Keyta Bundesliganing 4-turi doirasidagi «Borussiya» Myonxengladbaxga (2:2) qarshi o‘yinda raqibi Kristof Kramerning yuziga oyog‘i bilan zarba bergandi. Voqea 83-daqiqada sodir bo‘lgan va Keyta bu qo‘pol harakati uchun maydondan chetlatilgandi.
Endi u jamoasining «Augsburg», «Ayntraxt» va «Kyoln»ga qarshi o‘yinlarida ishtirok etolmaydi.