«Арсенал» бош мураббийи Арсен Венгернинг таъкидлашича, жамоа ҳужумчиси Дэнни Уэлбек чов қисмидан олган жароҳат туфайли бир неча ҳафта майдонга туша олмайди. 26 ёшли Англия чемпионатининг 5-тури доирасида «Челси»га қарши ўйинда (0:0) жароҳат олганди.
Шу тариқа, Уэлбек Англия лига кубоги доирасида «Донкастер», АПЛ доирасида «Вест Бромвич» ва «Брайтон» ҳамда Европа лигасининг 2-тури доирасида БАТЭга қарши ўйинларда иштирок эта олмайди.
Англия терма жамоаси ҳужумчиси 14 октябрь куни бўлиб ўтадиган «Уотфорд»га қарши АПЛ баҳсигача тикланиши кутилмоқда.