"Барселона" яримҳимоячиси Паулиньо каталонияликлар савиясига мос келмаслиги ҳақидаги фикрларга ўз муносабатини билдирди.
Эслатиб ўтамиз, "Барселона" футболчи учун 40 млн евро тўлаган эди.
"Мендан шубҳаланганларга ҳеч нарсани исбот қилишим шартмас. Аммо жамоадошларим ва клубга керак эканимни исботлашим талаб қилинарди. Бунинг энг яхши йўли - майдонда юқори савиядаги ўйинни намойиш қилиб, гол уриш ва ғалаба қозониш.
Албатта жамоамнинг ғалабаси голларимдан ҳам муҳимроқ. Лекин, тан олишим керак, голларим жамоага тезроқ мослашиб кетишимга ёрдам беради", - деди Паулиньо.
