«Арсенал» бош мураббийи Арсен Венгер фикрига кўра, Чемпионлар лигасининг гуруҳ босқичи аввалгидек қизиқарли эмас.
«Гуруҳ босқичида қизиқарли ўйинлар кўп эмас. Одатда томоша қилиш учун бир ёки икки ўйинни танлаб оласиз. Гуруҳ босқичи кучли жамоалар учун ортиқча даҳмазага айланган, мухлисларнинг унга бўлган қизиқиши ҳам сўнмоқда.
Албатта Чемпионлар лигасидан четда қолганимиздан афсусдаман. Аммо бу мусобақада 200дан ортиқ ўйин ўтказганман, демак ўзимни хотиржам ҳис қилсам ҳам бўлаверади» - деди Венгер.
