«Барселона» бош мураббийи Эрнесто Вальверде ЕЧЛ доирасида «Спортинг»га қарши бўлиб ўтган ўйин (1:0) борасида ўз фикрларини билдириб ўтди.

«Катта ва муҳим ўйинларда ғалаба қозонишни истасанг, унда машаққат чекишингга тўғри келади. Биз шижоат кўрсатдик ва биринчи бўлимда ташаббусга эга бўлдик. Рақиб қарши ҳужумда нималарга қодирлигини яхши билардик.

Ҳа, ҳисоб 1:0 бўлиб турганида «Спортинг» ўз тишини кўрсатди ва бизни хавотирда ушлаб турди. Бизда ҳисобни мустаҳкамлаш учун имконият бор эди, аммо улардан фойдалана олмадик. Чемпионлар лигаси ўйинларида ҳеч қачон осон бўлмаслигини таъкидлаб ўтиш лозим.

Албатта, «Спортинг» гуруҳдан чиқиши мумкин. Бу бизнинг асосий рақобатчиларимиздан бири. Лиссабонликлар кейинги турда «Ювентус»га қарши ўйнайди. Ҳали ҳаммаси олдинда», – деди Вальверде.