Туланинг "Арсенал" клуби бош мураббийи, сербиялик Миодраг Божович футболчиларнинг ҳаётини бузадиган нарсалар тўғрисида гапирди.
"Яхши футболчилар жуда камайиб кетди. Барчасига смартфонлар айбдор. Ҳамма телефонга тикилиб, худди гипноз қилингандек ўтирмоқда. Ижтимоий тармоқлар ёшларнинг онгини эгаллаб олган, ҳаётини бузяпти.
Ёшлигимизда фақат тўпимиз бор эди. Кун бўйи уни тепардик. Ҳозир эса, унинг ўрнини телефон эгаллаган. Агар имкони бўлса, футболчилар майдонга ҳам телефон билан тушарди. Менимча, ижтимоий тармоқлар - жуда ёмон" - деди Божович.
