"Реал" бош мураббийи Зинедин Зидан Примеронинг 7-турида "Эспаньол"га қарши ўйиндан олдин ҳужумчи Гарет Бэйлнинг соғлиги ҳақида гапириб ўтди.
Уэльслик футболчи жамоанинг сўнгги машғулотида қатнашмади. 26 сентябрь куни ЕЧЛ доирасида "Боруссия"га (3:1) қарши баҳсда 28 ёшли Бэйл пайларининг чўзилиши оқибатида майдонни бироз эртароқ тарк этганди.
"Бугун барчаси аён бўлади. Унинг пайларида бироз муаммолар бор, бироқ бу унчалик жиддий эмас. Ҳар доимгидек, кичик муаммони катталаштиришни истамаймиз", — дейди Зидан.
"Реал" — "Эспаньол" учрашуви 1 октбярь куни "Сантьяго Бернабеу"да Тошкент вақти билан 23:45да старт олади.
