"Реал"нинг октябрь ойидаги ўйинлар тақвими қизиқ ҳолатни тақвим этди. Жамоа бир ой давомида барча ўйинларни Мадридни тарк этмаган ҳолда ўтказади. Бу вақт давомида "Қироллик клуби" 5та ўйинда иштирок этади.

«Мадрид» бугун, 1 октябрь куни «Сантьяго Бернабеу»да «Эспаньол»га қарши майдонга тушади. Шундан кейин терма жамоалар учун ФИФА кунлари бошланади. 14 октябрь куни Зидан шогирдлари Мадрид яқинидаги Хетафе шаҳрига йўл олишади. Орадан 3 кун ўтиб мадридликлар «Сантьяго Бернабеу»да ЕЧЛ доирасида «Тоттенхэм»га қарши ўйинни ўтказишади.

"Қаймоқранглилар" 22 октябрь куни ўз уйида "Эйбар"ни қабул қилса, 24-26 октябрь кунлари оралиғида Испания кубоги доирасида Мадриднинг бошқа жамоаси — «Фуэнлабрада»га қарши сафар баҳсида иштирок этади.

Фақатгина Испания Ла лигасининг 10-турига келиб "Реал" Каталонияга — "Жирона"га қарши баҳс учун йўл олади.

«Реал»нинг октябрь ойидаги ўйинлар тақвими:

1 октябрь: Ла лига, 7-тур. «Реал Мадрид» – «Эспаньол»
14 октябрь: Ла лига, 8-тур. «Хетафе» – «Реал Мадрид»
17 октябрь: ЕЧЛ, 3-тур. «Реал Мадрид» – «Тоттенхэм»
22 октябрь: Ла лига, 9-тур. «Реал Мадрид» – «Эйбар»
24-26 октябрь: Испания кубоги, 1/16 финал. «Фуэнлабрада» – «Реал Мадрид»