Италия чемпионатининг 7-туридан ўрин олган марказий "Милан" - "Рома" учрашуви якунига етди.
Унда 0:2 ҳисоби қайд этилиб, меҳмонларнинг ғалабаси билан тугади.Биринчи бўлимда дарвозалар дахлсизлиги сақлаб қолинди, бироқ иккинчи бўлим ўрталарида римликлар кетма-кет икки бор “Милан” дарвозасини икки бор нишонга олишди.
72-дақиқада Эдин Жеко меҳмонларни олдинга олиб чиққан бўлса, орадан беш дақиқа ўтиб, Флоренци ҳисобни 0:2 кўринишига келтириб қўйди.
Устига-устак ўйин тугашига ўн дақиқа қолганида мезбонлар бир киши кам бўлиб қолишди, 80-дақиқада Чалханоглу иккинчи сариқ карточкасини олиб майдонни тарк этди.
Шу тариқа, миланликлар яна очко йўқотишди, “Рома” эса очколари сонини 15 тага етказиб олди.
Эслатиб ўтамиз, "Милан" "А" сериянинг 6-турида "Сампдория"га имкониятни бой берганди.
Италия чемпионати, 7-тур
Милан – Рома 0:2 (0:0, 0:2)
Голлар: 0:1 – 72 Жеко, 0:2 – 77 Флоренци.
Милан – Доннарумма, Бонуччи, Романьоли, Родригес, Мусаккьо, Чалханўғли, Кессиэ, Биглия, Борини (Бонавентура, 84), Андре Силва, Калинич (Кутроне, 79).
Рома – Алиссон, Манолас (Жезус, 86), Коларов, Бруно Перес, Фасио, Стротман (Пеллегрини, 30), де Росси, Флоренци, Наингголан, Эль-Шаарави (Жерсон, 78), Жеко.
Огоҳлантиришлар: Чалханоглу (33), Джеко (51), Биглия (62).
Четлатиш: Чалханўғли (80).
