"Манчестер Сити"нинг автофалокатга учраган ҳужумчиси Серхио Агуэронинг аҳволи ёмон экани маълум бўлди.
Бу ҳақда Аргентина терма жамоаси шифокори Донато Вильяни хабар бермоқда.
"Агуэрони кўриш учун келдим ва унинг аҳволи ёмон эканини кўрдим. Унинг футбол ўйнаши ҳақида гап-сўз бўлиши мумкинмас.
Серхио ўрнидан туролмаяпти, уйида ҳаракатлана олмаяпти. Автомобилга ўтириш ва ундан тушишда қийналмоқда. Мен Агуэронинг аҳволи ёмон эканини кўрдим, бу ҳақиқат" - деди Вильяни Sportia хабарида.
Эслатиб ўтамиз, Серхио Агуэро Амстердам шаҳрида автофалокатга учраб, қовурғаларини синдириб олган эди.
