2004 йили "МЮ" - "Арсенал" (2:0) ўйинидан сўнг, стадион йўлагида юз берган жанжалда кимдир "қизил иблислар" устози Алекс Фергюсоннинг юзига пицца отган эди.
Орадан 13 йил ўтгач, ўша пайтда "Арсенал" шарафини ҳимоя қилган Сеск Фабрегас бу ишни қилганини тан олди.
«Бу воқеага узил-кесил нуқта қўйиш керак. Ҳа, пиццани мен отган эдим.
Кийиниш хонасида пицца еб турганимда, шовқин-суронни эшитиб қолдим. Чиқсам, Сол Кэмпбелл, Рио Фердинанд ва Мартин Киоун жанжаллашиб турган экан. Нима қилишни билмай, уларга қарата пицца отдим. У тасодифан Фергюсонга тегди. Мен атайин отмагандим. Сэр Алексдан узр сўрайман», - деди Фабрегас телешоулардан бирида.
