Турининг “Ювентус” клуби ҳужумчи Пауло Дибала билан фаолиятининг охиригача мўлжалланган шартнома имзоламоқчи. Бу ҳақида клуб спорт директори Жузеппе Маротта маълум қилди.

“Ювентус” футболчиларни тайёрлаб, сотадиган клуб эмас. Шунинг учун, Дибаланинг баҳоси йўқ. Доим ҳам айтганимдек, футболчининг келажаги ўзининг ихтиёрида.

Шунингдек, Пауло “Ювентус” учун жонини беришга ҳам тайёрлигини айтган. Шундай экан, уни таркибда сақлаб қолиш учун катта нарх қўйишга мажбурмиз.

Тез орада янги шартнома имзолаймиз – Дибаланинг ўзи биздан шуни сўради” – дейди Маротта La Stampa нашрига.

Эслатиб ўтамиз, Дибала бу мавсум барча турнирларда 10та учрашувда майдонга тушиб, 12 та гол уришга муваффақ бўлди.