Turining “Yuventus” klubi hujumchi Paulo Dibala bilan faoliyatining oxirigacha mo‘ljallangan shartnoma imzolamoqchi. Bu haqida klub sport direktori Juzeppe Marotta ma’lum qildi.

“Yuventus” futbolchilarni tayyorlab, sotadigan klub emas. Shuning uchun, Dibalaning bahosi yo‘q. Doim ham aytganimdek, futbolchining kelajagi o‘zining ixtiyorida.

Shuningdek, Paulo “Yuventus” uchun jonini berishga ham tayyorligini aytgan. Shunday ekan, uni tarkibda saqlab qolish uchun katta narx qo‘yishga majburmiz.

Tez orada yangi shartnoma imzolaymiz – Dibalaning o‘zi bizdan shuni so‘radi” – deydi Marotta La Stampa nashriga.

Eslatib o‘tamiz, Dibala bu mavsum barcha turnirlarda 10ta uchrashuvda maydonga tushib, 12 ta gol urishga muvaffaq bo‘ldi.