Испания терма жамоаси ярим ҳимоячиси Тьяго Алькантара "қизил фурия"ларнинг мундиал йўлланмасини қўлга киритганидан хурсанд. У "Барселона" аъзоси Андрес Иньестанинг жамоаси билан имзолаган янги шартномаси борасидаги фикрлари билан ўртоқлашди.
"Жаҳон чемпионатига чиққанимиздан хурсандман, олдинги мундиални жароҳатим сабаб ўтказиб юборгандим.
Иньестанинг янги шартномаси? Жуда яхши ҳолат. Андресга "Камп Ноу"нинг олдига ҳайкал қўйиш керак. "Барселона"дагилар у билан шартномани узайтириб тўғри иш қилди. Андрес жамоанинг афсонавий футболчиси", - дейди Тьяго.
Олдинроқ Иньеста "Барселона"да фаолиятини якунлашини маълум қилганди.
