"Пари Сен-Жермен" клуби навбатдаги шов-шувли трансферни ўз олдига мақсад қилиб қўйди.
Парижликлар "Челси" клуби таянч ярим ҳимоячиси Н'голо Кантени кўзлашмоқда. "ПСЖ" ёзги трансфер пайтида катта харажат қилганига қарамай, жамоа марказни кучайтиришни режалаштирмоқда. Кантенинг трансфери устида клуб спорт директори Антеро Энрике иш бошлаб юборди. Португалиялик мутахассис "Челси" футболчисини 2018 йилнинг ёзида қўлга киритмоқчи.
"ПСЖ" ёзда Блез Матюиди ва Гжегож Криховяк билан хайрлашди, аммо Фабиньюни қўлга кирита олмади. Шу боис, Унаи Эмери таянч ярим ҳимоячилари борасида танқисликка дуч келмоқда.
Эслатиб ўтамиз, "Челси" клуби Франция терма жамоаси футболчисини 2016 йилда 32 миллион фунтга сотиб олганди. Канте 2016/17 йилги мавсумда АПЛнинг энг яхши ўйинчиси унвонини қўлга киритди.