«Барселона» ижрочи директори Оскар Грау жамоанинг қишки трансфер режалари борасида ўз фикрларини билдириб ўтди.
«Биз қишки трансфер пайтида мураббийлар штаби сўраётган Коутиньо ёки бошқа ўйинчини сотиб олишга тайёрмиз. Аммо бу борада мувозанатни сақлаб қолишимиз керак. Агар кимнидир сотиб олсак, бошқа ўйинчини сотишимизга тўғри келади.
Биз Неймарнинг трансфер суммаси («ПСЖ» 222 миллион евро товон пули тўлади)ни унутишимиз керак. Солиқлар тўлангандан кейин биз 188 миллион евро даромад олдик. Якунда клуб бюджетига 144 миллион евро миқдорида маблағ тушди», – деди Грау.
Эслатиб ўтамиз, Коутиньо ёзда «Ливерпуль»дан «Барселона»га ўтиши мумкин эди. Каталонияликлар бразилиялик футболчи учун 115 миллион фунт таклиф қилишди. Аммо мерсисайдликлар ярим ҳимоячини сотишни исташмади.
Ушбу мавсумда 25 ёшли футболчи 3та гол урди ва битта голга узатма берди. Шунингдек, ярим ҳимочига «ПСЖ» ҳам қизиқмоқда.