Аввал хабар бериб ўтганимиздек, бугун, 14 октябрь куни Испания чемпионатининг 8-тур учрашувида марказий “Атлетико”–“Барселона” ўйини бўлиб ўтади.
Мазкур ўйин олдидан “кўк-анорранглилар” устози Эрнесто Вальверде каталонияликларнинг ўйинда иштирок этиши мумкин бўлган футболчилари масаласига ойдинлик киритди.
Демак, “Барселона”нинг “Атлетико”га қарши майдонга тушиши мумкин бўлган футболчилар рўйхати билан танишинг.
Дарвозабонлар: Марк Андре тер Штеген, Яспер Силессен;
Ҳимоячилар: Самуэль Юмтити, Херард Пике, Хавьер Маскерано, Хорди Альба, Люка Динь, Нельсон Семеду;
Ярим ҳимоячилар: Серхио Бускетс, Паулиньо, Иван Ракитич, Андрес Иньеста, Денис Суарес, Серхи Роберто, Андре Гомес;
Ҳужумчилар: Луис Суарес, Лионель Месси, Жерар Деулофеу.
Мазкур учрашувни жароҳат ва бошқа сабаблар билан Алейш Видаль, Томас Вермален, Арда Туран, Рафинья Алькантара, Пако Алькасер ҳамда Усмон Дембеле каби “Барселона” футболчилари ўтказиб юборишади.
Шунингдек, марказий ўйин мезбони “Атлетико” жамоаси бош мураббийи Диего Симеоне ҳам “Барселона”га қарши учрашувда майдонга тушиши мумкин бўлган футболчилар рўйхатини эълон қилди.
Дарвозабонлар: Моя, Облак.
Ҳимоячилар: Годин, Фелипе Луис, Савич, Лукас, Хуанфран, Хименес.
Ярим ҳимоячилар: Томас, Коке, Саул, Карраско, Габи, Гайтан.
Ҳужумчилар: Гризманн, Торрес, Корреа, Гамейро.
Маълумот учун, Испания чемпионати турнир жадвалида “Барселона” 21 очко билан пешқадамликни ўрнатган бўлса, “Реал” 14 очко билан 5-ўринни эгаллаб турибди. “Атлетико” эса “Реал”дан бир очко кўп тўплаб, 4-ўриндан жой эгаллаган.
Учрашув Тошкент вақти билан соат 23:45 да бошланади.
Эслатиб ўтамиз, олдинроқ Мадриднинг “Реал” клуби бош мураббийи Зайниддин Зидан “Хетафе”га қарши ўйинга “қироллик клуби”нинг кенгайтирилган таркибини маълум қилганди эди.
Акмалхон Эшонхонов
