Франциянинг "Монако" жамоаси бош мураббийи Леонарду Жардим Франция чемпионати 9-тури доирасида "Лион"га (2:3) қарши ўйиндан кейинги фикрлари билан ўртоқлашди.
"Жамоа охиригача курашди ва яхши ўйнади. Майдонда ёш ўйинчилар кўп бўлса-да, ижобий вазиятларни етарлича эслаб қолдим.
Ҳимояда биз керагидан ортиқча қўпол хатолар қилдик. Рақиблар эса бизга учта гол урди. Орқа чизиқни кучайтириш ва сўнгги дақиқаларгача диққатни йўқотмаслик керак.
Охирги икки ўйинда биз олти очкони йўқотдик, бу эса қувонтирмайди. Ғалаба қозониш учун 90 дақиқа тўлиқ куч билан ўйнаш керак. Сўнгги сонияларгача ўзимизни йўқотмаслигимиз лозим", - дейди Жардим.
