Ҳозиргина Италия “А” серияси доирасида Милан дербиси бўлиб ўтди.
Унда сўнгги дақиқаларда белгиланган пенальти эвазига “Интер” ғалабага эришди.
Дастлаб, учрашувнинг 28-дақиқасида “Интер” ҳужумчиси Мауро Икарди ҳисобни очди. Биринчи бўлимда бошқа гол урилмади.
Иккинчи бўлимда Сусо ҳисобни тенглаштирди. Кейинчалик “Интер” сардори Икарди яна гол урди ва жамоасини ҳисобда олдинга олиб чиқди. 81-дақиқада эса Бонавентура тарози паллаларини яна тенг ҳолатга олиб келди.
Сўнгги дақиқаларда эса Рикарду Родригеснинг хатти ҳаракати қимматга тушди. У ўз жарима майдончаси ичида рақибини йиқитгани учун пенальти белгиланди.
11 метрлик жаримани эса яна Икарди аниқ бажарди ва ўз хет-тригини қайд этди. Шу тариқа, мухим дербида “Интер” ғалабага эришди.
Италия чемпионати, 8-тур.
Интер – Милан 3:2
“Жузеппе Меацца (Сан-Сиро)”
Голлар: 1:0 – 28 Икарди, 1:1 – 56 Сусо, 2:1 – 63 Икарди, 2:2 – 81, автогол Ханданович, 3:2 – 90-пен Икарди
Интер – Ханданович, Нагатомо, Миранда, Д`Амброзио, Шкриньяр, Перишич, Гальярдини, Кандрева (Жоау Канселу, 73), Валеро (Эдер, 85), Весино, Икарди.
Милан – Доннарумма, Романьоли (Локателли, 78), Мусаккьо, Бонуччи, Родригес, Бонавентура, Кессиэ (Кутроне, 46), Борини, Биглия, Сусо, Андре Силва.
Огоҳлантириш: Миранда (15), Романьоли (22), Весино (25), Гальярдини (66), Перишич (79).
