Ўзбекистон U-19 аёллар термаси Хитойнинг Нанкин шаҳрида давом этаётган U-19 ёшлар ўртасидаги Осиё Чемпионати 2-турида КХДР терма жамоасига 0:2 ҳисобида ютқазди.

Айни кунларда Хитойнинг Нанкин шаҳрида U-19 аёллар ўртасида Осиё чемпионати учрашувлари давом этмоқда. Мусобақанинг “A” гуруҳида иштирок этаётган Ўзбекистон терма жамоаси 2-тур баҳсида КХДР аёллар термасига қарши майдонга тушди ва 0:2 ҳисобида мағлуб бўлди.

Гуруҳнинг яна бир учрашувида Хитой термаси Таиландни худди шундай ҳисобда мағлуб этди ва очколари сонини худди КХДР каби 6тага етказди.

Маълумот учун, гуруҳ босқичи илк турида Ўзбекистон U-19 аёллар терма жамоаси Хитой терма жамоасига қарши майдонга тушган ва 0:2 ҳисобида ютқазган эди. Баҳром Норсафаров жамоаси сўнгги турда 21 октябрь куни Таиланд терма жамосига қарши майдонга тушади. Учрашув Тошкент вақти билан соат 16:00да бошланади.

U-19 қизлар ўртасида Осиё Чемпионати, 2-тур
Нанкин, Хитой.
КХДР – Ўзбекистон 2:0