O‘zbekiston U-19 ayollar termasi Xitoyning Nankin shahrida davom etayotgan U-19 yoshlar o‘rtasidagi Osiyo Chempionati 2-turida KXDR terma jamoasiga 0:2 hisobida yutqazdi.

Ayni kunlarda Xitoyning Nankin shahrida U-19 ayollar o‘rtasida Osiyo chempionati uchrashuvlari davom etmoqda. Musobaqaning “A” guruhida ishtirok etayotgan O‘zbekiston terma jamoasi 2-tur bahsida KXDR ayollar termasiga qarshi maydonga tushdi va 0:2 hisobida mag‘lub bo‘ldi.

Guruhning yana bir uchrashuvida Xitoy termasi Tailandni xuddi shunday hisobda mag‘lub etdi va ochkolari sonini xuddi KXDR kabi 6taga yetkazdi.

Ma’lumot uchun, guruh bosqichi ilk turida O‘zbekiston U-19 ayollar terma jamoasi Xitoy terma jamoasiga qarshi maydonga tushgan va 0:2 hisobida yutqazgan edi. Bahrom Norsafarov jamoasi so‘nggi turda 21 oktyabr kuni Tailand terma jamosiga qarshi maydonga tushadi. Uchrashuv Toshkent vaqti bilan soat 16:00da boshlanadi.

U-19 qizlar o‘rtasida Osiyo Chempionati, 2-tur
Nankin, Xitoy.
KXDR – O‘zbekiston 2:0