«Барселона» бош мураббийи Эрнесто Вальверде ЕЧЛнинг 3-тури доирасида бўлиб ўтган «Олимпиакос»га қарши ўйин (3:1) борасида ўз фикрларини билдириб ўтди. Жерар Пике иккинчи сариқ карточкани олиб майдонни тарк этгани боис, "Барса" 42-дақиқадан бошлаб бир киши кам бўлиб ўйнади.

«Рақиб сон жиҳатдан бизга нисбатан кўпроқ бўлиб ўйнаганда кучлироқ бўлишини билардик. Шу боис, вазиятни енгиллаштириш учун иккинчи голни уриб олишимиз керак эди.

Умуман олганда, «Олимпиакос» ҳимоявий ўйин кўрсатиб, қарши ҳужумдан фойдаланишни мақсад қилганди. Улар ҳимояга ётиб олишди ва уларнинг мудофаасини ёриб ўтиш қийин кечди. Рақиб бор эътиборини ҳимояга қаратаётганда, биз ўн киши бўлиб ўйнаётганимизда таваккал қилиш шарт эмасди.

Пикенинг четлатилиши? Мен видеотакрорни кўрмадим, аммо, назаримда, у бу ишни бехосдан қилди, у дарвоза олдида турганди», – деди Вальверде.