УЕФА ташкилоти Европа Чемпионлар Лигасининг 3-туридаги энг яхши футболчини аниқлаш учун сўровномани бошлаб юборди.

Унга кўра, ЕЧЛнинг 3-турида “Севилья”га қарши учрашувда “Спартак”нинг икки голига муаллифлик қилган Квинси Промесс ҳам ушьу совринга даъвогар бўлиб турибди.

Шунингдек, мазкур совринга Муҳаммед Салоҳ (“Ливерпуль”), Женк Тосун (“Бешиктош”), Лионель Месси (“Барселона”), Криштиану Роналду (“Реал”), Маркус Рэшфорд (“МЮ”), Эден Азар (“Челси”) ва Неймар (“ПСЖ”) каби футболчилар даъвогарлик қилишмоқда.

Маълумот учун, эртага 20 октябрь куни сўровнома якунланади ва ЕЧЛнинг 3-туридаги энг яхши футболчи номига аниқлик киритилади.