UYEFA tashkiloti Yevropa Chempionlar Ligasining 3-turidagi eng yaxshi futbolchini aniqlash uchun so‘rovnomani boshlab yubordi.

Unga ko‘ra, YECHLning 3-turida “Sevilya”ga qarshi uchrashuvda “Spartak”ning ikki goliga mualliflik qilgan Kvinsi Promess ham ushu sovringa da’vogar bo‘lib turibdi.

Shuningdek, mazkur sovringa Muhammed Saloh (“Liverpul”), Jenk Tosun (“Beshiktosh”), Lionel Messi (“Barselona”), Krishtianu Ronaldu (“Real”), Markus Reshford (“MYU”), Eden Azar (“Chelsi”) va Neymar (“PSJ”) kabi futbolchilar da’vogarlik qilishmoqda.

Ma’lumot uchun, ertaga 20 oktyabr kuni so‘rovnoma yakunlanadi va YECHLning 3-turidagi eng yaxshi futbolchi nomiga aniqlik kiritiladi.