«Барселона» бош мураббийи Эрнесто Вальверде жамоа ҳужумчиси Лионель Месси еврокубокларда 100-голини ургани борасида ўз фикрини ҳазиломуз тарзда ифода қилди.
«Умид қиламан, Месси еврокубоклардаги 200-голини шу мавсумнинг ўзида уради (кулади). Унинг ҳар кунги машғулотларидан келиб чиқиб шундай фикр билдиряпман.
Мухлислар мени яхши кўриб қолишдими ёки йўқми, билмайман. Биз ижобий натижалар қайд этишда давом этяпмиз, лекин эртанги кун — бошқа тарих.
Бир кечада ҳамма нарса ўзгариб кетиши мумкин. Қўлни қўлга бериб ишлашда давом этамиз», – деди Вальверде.
