“Манчестер Юнайтед” клуби раҳбарияти мураббий Жозе Моуриньо билан янги шартнома имзолаш ишларини давом эттирмоқда.
Аввалроқ “қизил иблислар” ўзакро музокараларни ноябрь ойидан бошлашлари ҳақида маълумот беришганди.
Goal нашрининг хабарига кўра, манкунианликлар 54 ёшли мутахассис учун беш йиллик шартнома ва шунча муддатга 72,9 миллион евро маош ажратилишига тайёрликларини билдиришган.
Аммо Моуриньонинг ўзи янги шартнома имзолаш ҳақида ўйламаётгани ва “Манчестер Юнайтед” унинг мураббийлик фаолиятидаги охирги жамоаси эмаслигини айтиб ўтганди.
Маълумот учун, “Манчестер Юнайтед” АПЛда 9 турдан сўнг 20 очко билан 2-ўринни эгаллаб турибди.
