Бугун Лондон шаҳрида ФИФАнинг энг яхшиларини тақдирлаш маросими — The Best бўлиб ўтади.

Тошкент вақти билан 22:30да бошланадиган тадбирда бир нечта номинациялар бўйича совринлар ўз эгаларига топширилади. Номинациялар бўйича номзодлар билан таништириб ўтамиз.

Йилнинг энг яхши футболчиси: Криштиану Роналду («Реал»), Лионель Месси («Барселона»), Неймар («Барселона»/»ПСЖ»).

Йилнинг энг яхши мураббийи: Зайниддин Зидан («Реал»), Антонио Конте («Челси»), Массимилиано Аллегри («Ювентус»).

Йилнинг энг яхши дарвозабони: Жанлуиджи Буффон («Ювентус»), Кейлор Навас («Реал»), Мануэль Нойер («Бавария»).

Йилнинг энг яхши аёл футболчиси: Дейна Кастельянос (Венесуэла), Карли Ллойд (США), Лике Мартенс («Барселона»).

Аёллар футболида йилнинг энг яхши мураббийи: Нильс Нильсен (Дания), Жерар Прешер («Лион»), Сарина Вигман (Голландия).

Йилнинг энг чиройли голи: Дейна Кастельянос (Венесуэла U-17 қизлар терма жамоаси), Оливье Жиру («Арсенал»), Масулуке Оскарине («Барока»)

Энг яхши мухлислар: «Боруссия» Д, «Селтик», «Копенгаген».

«Олтин тўп» соврини "France Football" журналининг ўзига қайтганидан кейин ФИФА ўтган йилдан бошлаб The Best совринини топшира бошлади.