Англиянинг “Эвертон” клуби ижтимоий тармоғи мураббий Рональд Куманни эгаллаб турган лавозимидан озод этгани ҳақида хабар берди.
Маълумотларга кўра, клуб директорлар кенгаши ва жамоа акционери Куманнинг “Эвертон”да ўтказган сўнгги 16 ойи ва жамоа ўтган мавсум АПЛда 7-ўринни эгаллагани учун миннатдорчилик билдиришган.
Эслатиб ўтамиз, 54 ёшли мутахассис “Эвертон”да 2016 йилдан бери фаолият олиб борарди.
Маълумот учун, “Эвертон” жорий мавсум 9 турдан сўнг 8 очко жамғариб, 18 ўринни эгаллаб турибди. Шунингдек, Куман шогирдлари кеча ўз майдонларида “Арсенал” клубига 2:5 ҳисобида имкониятни бой бериб қўйишганди.
