Ўтган мавсумнинг энг яхши ўйинчиси номига Криштиану Роналду муносиб кўрилди. Албатта, бунга ҳеч қандай шак-шубҳа йўқ эди. Чунки ўтган мавсумда “Реал” Испания чемпиони бўлди, Чемпионлар лигасини қўлга киритди, Клублар ўртасидаги жаҳон чемпионатида ғолиб чиқди, Испания суперкубоги соҳибига айланди. Табиийки, бундай ютуқларда Криштианунинг муносиб ҳиссаси бор. Шунинг учун ҳам у “Олтин тўп”ни қўлга киритди.
Айни пайтда Роналду ва Месси ўртасидаги бу борада тенглик юзага келди — 5:5. Даҳшатли кўрсаткич, шундай эмасми? 10 мавсумдан бери бу иккала футболчи “Олтин тўп”ни ҳеч кимга бермай келяпти. Охирги марта Кака олганди бу совринни. Ундан кейин ким қанча тажрибали футболчилар чиқди, аммо ҳеч бири Месси ва Роналдуга тенглаша олмади.
Хўш, шу ўринда ҳақли савол туғилади, юқоридаги ҳисобни ким 6:5 қиларкин? Мессими ёки Роналду? Келинг, шу саволга жавоб излаб кўрамиз.
РОНАЛДУ — ЖАМОАВИЙ НАТИЖА МУҲИМРОҚ!
Роналду! Португалиялик футболчи ўтган мавсумдан фарқли ўлароқ бу сафар мавсумни бироз омадсиз бошлади. Мавсум бошидаги қизил карточка ва Роналдунинг ҳакамни туртиб юбориши унга қимматга тушди. Криштиану