O‘tgan mavsumning eng yaxshi o‘yinchisi nomiga Krishtianu Ronaldu munosib ko‘rildi. Albatta, bunga hech qanday shak-shubha yo‘q edi. Chunki o‘tgan mavsumda “Real” Ispaniya chempioni bo‘ldi, Chempionlar ligasini qo‘lga kiritdi, Klublar o‘rtasidagi jahon chempionatida g‘olib chiqdi, Ispaniya superkubogi sohibiga aylandi. Tabiiyki, bunday yutuqlarda Krishtianuning munosib hissasi bor. Shuning uchun ham u “Oltin to‘p”ni qo‘lga kiritdi.
Ayni paytda Ronaldu va Messi o‘rtasidagi bu borada tenglik yuzaga keldi — 5:5. Dahshatli ko‘rsatkich, shunday emasmi? 10 mavsumdan beri bu ikkala futbolchi “Oltin to‘p”ni hech kimga bermay kelyapti. Oxirgi marta Kaka olgandi bu sovrinni. Undan keyin kim qancha tajribali futbolchilar chiqdi, ammo hech biri Messi va Ronalduga tenglasha olmadi.
Xo‘sh, shu o‘rinda haqli savol tug‘iladi, yuqoridagi hisobni kim 6:5 qilarkin? Messimi yoki Ronaldu? Keling, shu savolga javob izlab ko‘ramiz.
RONALDU — JAMOAVIY NATIJA MUHIMROQ!
Ronaldu! Portugaliyalik futbolchi o‘tgan mavsumdan farqli o‘laroq bu safar mavsumni biroz omadsiz boshladi. Mavsum boshidagi qizil kartochka va Ronalduning hakamni turtib yuborishi unga qimmatga tushdi. Krishtianu
