Испания ҳукумати Каталония мустақиллигини ёқлаб чиққан сиёсатчиларга қарши санкцияларни қўллай бошлади.
Хусусан, «Манчестер Сити» бош мураббийи Хосеп Гвардиоланинг синглиси Франческа ҳудуднинг Даниядаги элчиси лавозимидан озод қилинди.
Айни пайтда, расмий Мадрид бошқа мулозимларга нисбатан ҳам жазо чораларини қўлламоқда.
Эслатиб ўтамиз, 1 октябрь куни Каталония мустақиллиги бўйича умумхалқ референдуми ўтказилганди. 27 октябрь куни эса ҳудуд парламенти Испаниядан ажралиб чиқиш ҳақида резолюцияни тасдиқлади.
«Манчестер Сити» бош мураббийи Хосеп Гвардиола Каталония мустақиллиги тарафдори эканини ҳар доим таъкидлаб келаётганди.
